Madhara yatokayo na uvaaji wa nguo za mitumba

Baadhi ya nguo za mitumba

Na Mwandishi wetu.

Ninapo taja masoko makubwa ya nguo za ndani za mitumba, hapa nazungumzia Mwenge, Ilala, Tandika na hata Manzese.

Wanawake ndio watumiaji wa kubwa kwani kwa upande wa wanaume nguo zao kubwa za ndani ni kaoshi, soksi na taiti.

Lakini kwa upande wa wanaweke hupendelea zaidi kutumia sidiria, nguo za kulalia, taiti na hata chupi.

Nguo hizi za ndani za mtumba, hupendwa zaidi kwasababu baadhi husema ni imara na zina dumu lakini pia hupatikana kwa bei raisi sana, zingine huuzwa miatano au elfu moja na zipo za mpaka elfu kumi na zote ni za mtumba.

amoja na urahisi huo, watumiaji wanafahamu nini juu ya madhara ya kuvaa nguo hizi za ndani zilizo valiwa na watu wengine ambao hatuwajui? Hatujui afya zao na wala magonjwa ambayo huenda wanayo.

BBC imezungumza na baadhi ya watumiaji wa nguo hizo za ndani baadhi wanaonyesha kuto jua lolote kama yanaweza kuwepo madhara.

"Mi hayo madhara hata siyajui ila napata zangu nguo kwa bei poa na napendeza kama kawaida. Kama kuna madhara haya," anasema bi Aisha wa soko la karume".

Hata hivyo Ally Saleh mtumiaji wa nguo za ndani za mitumba anasema yeye huangalia zilizo mpya mpya.

"Mimi huwa nachukua ule mtumba wa grade A na zangu zinakuwa mpya mpya hazijatumika sana, ila kuhusu madhala labda zile zilizo chakaa kupita kiasi. Mie singlendi zangu ata boksa napata kali mtumbani," Ally anaiambia BBC.

Wengine wanafurahia ubora hali inayopelekea kufumbia macho juu ya elimu waliyo nayo.

"Mie naambiwa tu kwamba zina madhara lakini ukiziona zinaonekana bora na nzuri kuliko za dukani yaani ukivaa sidiria ya dukani inafanya matiti yanakuwa mama ni bebe, wakati ya mtumba kwa raha zangu kitu talk to me inakamata muruaa," Nola Almasi anaiambia BBC.

Hata hivyo kumekuwa na maoni mbali mbali juu ya madhara ya nguo za ndani za mitumba wengine husema zinaleta saratani, fangasi na baadhi huamini zinaharibu kizazi. Pamoja na yote yasemwayo baadhi yetu hufumbia macho na huamini kuwa ni propaganda za ushindani wa kibiashara.

Hata hivyo katika nguo hizo za ndani za mitumba zipo nyingi ambazo hazijatengenezwa kwa mali ghafi ya pamba, zimetengenezwa kwa polyista malighafi ambayo hainyonyi maji. Hali inayopelekea baadhi kupatwa na muwasho sehemu za siri.

Daktari Fredrick Mashili wa hospitali ya taifa Muhimbili ili kufahamu zaidi juu ya ukweli wa madhara ya nguo za ndani za mitumba.

"Kunakuwa na uwezekano wa kuwepo madhara kiafya na mara nyingi ni matatizo ya ngozi zaidi ndo yanaweza kusababishwa na hizo nguo, kutokana na ukweli kwamba huenda aliyekuwa anazitumia hizo nguo anatatizo flani la ngozi.

Kwa mfano ukiongelea vitu kama fangasi ambavyo vinauwezo wa kukaa kwenye mazingira magumu na kuishi kwa muda mrefu sana, kwa maana hiyo hata kama zilikuwa zimesafirishwa kwa muda fulanikwenye hali ya ukavu na nini bado kunakuwa na uwezekano wa kuwepo kwa vimelea au vitu fulani ambavyo ni sehemu ya fangasi ambavyo baadae mtu mwingine akivaa anauwezo wa kupata hilo tatizo," Daktari Mashili anaiambia BBC.

Hata hivyo daktari huyo anasisitiza kuwa upo uwezekano wa kuwepo kwa magojwa mengine ya ngozi ambayo haya sababishwi na fangasi na hii inategemea ni muda gani tangu nguo hizo zimetoka kwa mtumiaji wa awali na kuanza kutumiwa na mtumiaji wa sasa.

Daktari Mashili amesisitiza kuwa, kama kuna ulazima wa kuzitumia nguo za ndani za mitumba ni vyema mtu akazisafisha na dawa zile kali ambazo zinaweza kusaidia kuuwa viji dudu kuliko kufua tu kawaida na kisha kuivaa.

Tangu mwaka 2009, Shirika la Viwango Tanzania (TBS), lilipiga marufuku uuzaji wa nguo za ndani za mitumba na kutoa kipindi cha ukomo kwa wafanyabiashara wa bidhaa hizo. Baada ya kipindi cha mpito kuisha, TBS walifanya maamuzi ya kukamata na kuchoma nguo hizo za ndani za mitumba ili kutekeleza agizo la sheria ya mwaka 2009 inayozuia matumizi ya nguo za ndani zilizokwishatumika.

Hata hivyo harakati hizo hazikufua dafu kwani mpaka sasa nguo za mitumba bado zipo katika takribani kila soko la nguo za mitumba Tanzania.

Kutoka BBC Swahili

Fursa 101 ni nini?

Na mwandishi wetu
Fursa 101 ni mfumo mpya unaowaunganisha wajasiriamali wadogo, wa Kati na hata wakubwa pamoja

Ndani ya fursa 101 kuna fursa zaidi ya 101 tutakazokuwa tunajifunza kila siku ili kwa wale wasio na biashara kabisa wapate nafasi ya Kusimamisha biashara zao.

Zaidi ya hayo fursa 101 tunatumia word of mouth kuunganishana na kuinuana kibiashara kama familia moja.

Kila mkoa una familia ya fursa 101 ambayo Sote ni sehemu ya familia hiyo na tunaweza kupokelewa huko.

Tufahamu kuwa ili tufike mbali tunahitajiana. Huwezi kufanikiwa peke yako. Kupitia Philosophy yetu MIMI NI SABABU YA MAFANIKIO YAKO. WEWE NI SABABU YA MAFANIKIO YANGU i.e Ukitaka kufanikiwa wape nafasi wengine, ukitaka kuuza waweke Karibu wateja wako watarajiwa, waunganishe wengine, wahamasishe wengine.
It's people helping people. Business owners supporting business owners.

Lengo ni kwamba kila mwezi tutakuwa tunakutana. Kila mwanachama Fursa 101 ataonyesha biashara yake. Wanachama wana wajibu wa kuwa Balozi wake. Kumuunganisha na network zao.
Wenye Bidhaa wataonyesha. Wenye Huduma wataelezea.

Watalaamu wa biashara, walimu wote wawepo pamoja, taasisi husika zote ziwepo pamoja.

Hivyo basi kila wanachama wa mkoa wanakutana na kuhamasishana, kujuana, kujenga ukaribu, kuunganishana, kupeana nafasi ya kufanikiwa pamoja. Mwanachama yeyote anaweza kwenda mkoa wowote na kupokelewa Kama mwanafamilia kupitia mabalozi Walio kila mkoa..

Kabla hatujaanza kuchambua fursa mbalimbali lazima tufahamu kuwa fursa ya kwanza ni watu.

Tunataka kupitia fursa 101 kila mwanachama akuze biashara yake. Awe connected na wanachama wote wa mikoa yote TANZANIA nzima. kuanzia sumbawanga mpaka Mwanza, kuanzia Mtwara mpaka Dsm. Kuanzia Arusha mpaka Tanga. Kuanzia Tanzania mpaka kenya, uganda, Rwanda na nchi zote za Afrika. Kumbukeni givers gain. Ukitaka kufanikiwa kibiashara jenga na watu, wakupe biashara, wakupe wateja, wakupe nafasi na ufike mbali. Biashara ni sanaa ya kujenga mahusiano. Kupitia fursa 101 tuwe familia moja na kuunganishana kama ndugu wenye lengo moja, mwelekeo mmoja na imani moja.

Mfahamu kuwa Tanzania nzima inahitaji mfumo huu. Tupo mwanzoni, tunapoangalia mbele tunakoenda wanachama fursa 101 tunaangalia watalaamu watakaoungana nasi, Serikali, taasisi na biashara zitakazozaliwa.

Tutafundishana fursa 101.
Tutatumia tekinolojia kuunganisha watu. Tutajenga mfumo wa mabalozi wa bidhaa or huduma zetu ili kuwezesha wanachama kuuza katika mikoa kupitia mabalozi .

Lengo letu ni moja kujenga mfumo wa umoja, wenye lengo moja, mwelekeo mmoja na kumpa nafasi kila mwenye bidhaa or huduma yake kuuza kwa wengine.

Kupitia fursa 101 tunabadilisha namna ya kufanya biashara Tanzania.
Tutazalisha biashara mpya. Tutazalisha wajasiriamali wapya.

Naomba niwaambie wanachama biashara ni kutokana na watu unaojuana. Wajasiriamali wengi wana bidhaa nzuri, huduma nzuri lakini hakuna mauzo. Hakuna biashara. Why? kwasababu hawajazungukwa na watu potential. Fursa 101 inataka kujenga mfumo unaotuunganisha watu potential, Wateja potential , wanachama wote tukisaidiana na mabalozi wetu kuleta wafanyabiashara na watu potential pamoja na kuwafanya sehemu ya familia Tutafika mbali.
Tutauziana huduma, bidhaa na kupeana fursa zilizo katika kila mkoa. Tutakuwa na trainers, watalaamu wa kilimo, biashara, mauzo, networking, uwekezaji, mitaji, kuuza, business plans, taasisi mbalimbali wanachama, insurance, benki nk.

Katika Kila mikutano ya mwezi kila mwanachama apate nafasi ya kuelezea biashara yake. Huduma yake, bidhaa yake. Kama maonyesho, mafunzo yawepo na watalaamu wa ubora ili tuboreshe bidhaa or huduma zetu. Tunataka kila mtu awe mtu wa watu. Tujenge mahusiano pamoja kupitia biashara zetu. Masomo. Taasisi mbalimbali. Kila mkoa tutaweka target zetu.
Mpaka October 27 siku ya Fursa 101 Forum & Expo kila mkoa uwe na wanachama kuanzia 500.

Wajasiriamali wangapi watazaliwa kupitia mfumo huu?

Biashara ngapi zitakua kupitia mfumo huu?

Nina Imani na wewe. Ninakuamini .

Karibu Fursa 101
Mimi ni Balozi Fursa 101

Mimi ni sababu ya Mafanikio yako.
Fursa 101